Japang (basa Japang: 日本 Nippon/Nihon, ngaran rasmi: Nipponkoku/Nihonkoku)
adalah sabuting nagara kapulauan diAsia Timur. Andakannya di hujung barat Lautan Pasifik, di subalah timur Laut Japang, dan batatangga lawan Ripublik Rakyat Cina, Korea, wanRusia. Pulaw-pulau paling
utara barada di Laut Okhotsk, dan wilayah paling selatan
barupa galambang pulau-pulau halus di Laut Cina Timur, parsisnya
di subalah selatan Okinawa nang
batatangga lawan Taiwan.
Japang tadiri
matan 6.852 pulau ma-ulah inya marupakan suatu kapulauan. Pulaw-pulau utama matan utara
ka selatan adalah Hokkaido,Honshu (pulau
pangganalnya), Shikoku, dan Kyushu. Sakitar 97% wilayah daratan Japang
barada di kaampat pulau pangganalnya. Sapalih ganal pulau di Japang
bagunung-gunung, wan sapalih di antaranya marupakan gunung baapi. Gunung paningginya di Japang
adalah Gunung Fuji nang marupakan sabuting gunung baapi.
Panduduk Japang bajumbelah 128 juta urang, dan ada di paringkat ka-10 nagara
bapanduduk pambanyaknya di dunia. Tokyo sacara de facto adalah indung banua Japang, dan
bakadudukan sabagai sabuting préféktur. Tokyo Raya adalah sambatan gasan Tokyo dan
babarapa kuta nang ada di préféktur sakulilingnya. Sabagai kawasan
métropolitan palumbahnya di dunia, Tokyo Raya bapanduduk labih matan 30 juta orang.